मंगलवार, 31 जनवरी 2017
कविता
कविता :- पक्ष पोशक@ प्रभात पुनम
तिमी राम्रो काम गर्दा पनि
म न राम्रो नै भन्छु ,
मेरो मन ले न माने पनि
मेरो परिवेश को करले
तिम्रो काम लाई कहिले
राम्रो भन्न सकिदैन !
किन कि म तिमी जस्तो
हुन् सकिन,
तिमी भित्र जो साहस छ,
म भित्र छैन !
तिमी आफ्नो अस्तित्व
कायम गर्न चाहन्छौ ,
म उनिकै अस्तित्व को
गुणगान गर्नु धर्म सम्झिन्छु !
तिमी परिवर्तन चाहन्छौ,
म यथास्थिति कै
पोशक बन्न चाहन्छु !
तिमी स्वराज चाहन्छौ ,
म उपनिवेश लाई
भाग्य ठान्दछु ।
तिमी आफ्नो इतिहास
लेखन चाहन्छौ,
म उनी कै इतिहासमा
रम्न्न चाह्न्छु !
तिमी आफ्नो अधिकार
माग्दा राष्ट्रद्रोही बन्छौ,
म तिम्रो विरोध गर्दा
रास्ट्रबादी भनाउछु !
तिमी जब जब माग्छौ
बराबरी को अधिकार ,
म सदैब गर्ने छु तिम्रो प्रतिकार !
तिमी बन्छौ परिवर्तन
अभियान को उद्घघोशक,
म हुने छु यथास्थिति को
पक्ष पोशक !
02-01-2017
सदस्यता लें
टिप्पणियाँ भेजें (Atom)
कोई टिप्पणी नहीं:
एक टिप्पणी भेजें
b